Внеси го бројот заедно со кодот на земјата

При регистрација, телефонскиот број мора да се внесе заедно со кодот на земјата, почнувајќи со знакот плус.

За Македонија форматот е +3897ХХХХХХХ, на пример +38970123456. Бројот се внесува без нулата на почетокот.

Формати за другите земји каде е достапен FitKit:

• Србија +381ХХХХХХХХ
• Словенија +386ХХХХХХХХ
• Грција +30ХХХХХХХХХХ
• Бугарија +359ХХХХХХХХХ

Ако имаш број од друга земја

Тоа е сосема во ред, се прифаќаат броеви од сите земји. Во тој случај апликацијата ќе те праша да ја избереш твојата матична држава, односно земјата во која првенствено сакаш да го користиш FitKit.

Според тој избор ти се прикажуваат локациите, услугите и цените за таа земја.

Внеси го точниот код за твојот број

Важно е кодот да одговара на бројот што навистина го поседуваш. Ако по грешка внесеш код што не е твој, на пример +381 наместо +389 за македонски број, пораката за верификација заминува кон број што не постои и регистрацијата не може да се заврши.

Ако кодот не пристигне

Почекај минута или две, понекогаш пораките се доставуваат со мало задоцнување.

Важно, не барај нов код повеќе пати едно по друго. Повторените барања во краток период системот ги препознава како можна злоупотреба и бројот привремено се блокира од безбедносни причини. Ако тоа се случи, потребно е да почекаш неколку часа пред да се обидеш повторно.

Пред да побараш нов код, провери дали бројот е напишан точно, дали имаш сигнал и дали сандачето за пораки не е полно.

Бројот е веќе поврзан со друг профил

Еден телефонски број може да биде поврзан со само еден FitKit профил. Ако твојот број сѐ уште е поврзан со постар профил, пиши ни на info@fitkit.app и ќе го ослободиме за да можеш да го користиш на твојот тековен профил.